Elefen
O Elefen (kaj znaći “Lingua Franka Nova”) si jekh ćhib kaj sas kerdi le manuśenθar, vaj konstrùktime, te avel zorales uśoro, konsistènto thaj biphari te siklŏl vaś ël maśkarthemutne komunikàcie. I ćhib si la maj but pozitivne kvalitetură:
- I ćhib na-i la but fònemură vaj ćhibăqe aśunimata. Kana aśunes la, gïndis ke aśunela pe sar Italianicka vaj Śpànŏlìcka.
- Si xramosardi pala o aśunipen. Nijekh ćhavo vaj raklo trebal lesθe te nakhel berśa siklĭndoj e bi-regularimata.
- Si la jekh komplètno regulàro gramàtika, dosta miazutni k-e lumăqe krèjolură.
- E alavenqe kotora śaj keren but vorbe te keres lokhes svatură anθar jekh tikno thaj komplètno regulàro alavenqo lìsto.
- I ćhib si la miśto-definicisarde zakonură vaj krisa vaś o alavenqo ordèno, sar si majbut bare ćhibă.
- Laqo vokabulàro si zorales karfinărdo anθ-e adjesutne Latinosqe ćhibă. Kadala ćhibă si buxlărde thaj influenciale, thaj von dine o maj baro kotor e Englezikane vokabularosqo.
- Voj si kerdi te mukhel te nakhaven e tehnologikale neologìsmură anθar i Latìnikani ćhib thaj i Grećikani ćhib, so si defàktones o “sundalesqo vaj lùmăqo standàrdo”.
- Voj si kerdi te miazol paśutno e “naturàle” ćhibănça vaś e manuśa kaj ʒanen e Latinikane ćhibă, bi te avel maj phari te siklŏl vaś avere.
Phendăs jekh Elefenìsto: ”Ame nadis-amen ke plaćal tumen o Elefen!”