Banjara: Diferență între versiuni

'''Banjara''' si yekh [[desi]] jātī (casta, nacia, selyori) so aven andar o Rajasthan. Lengo ćhib si i lambadi (lamani) [http://www.ethnologue.com/show_language.asp?code=lmn], yekh rajputikani ćhib tar e [[indo-arianikane ćhiba]]. Von phenen vi le ćhiba le manushenge andar teritorurya kai jivisaren ([[marathi]], [[telugu]], [[kannada]] thai aver). But lendar chi mai phenen lambadi.

 

Dumult von jivisarden ando [[Rajasthan]], ando okchidento le [[Sudutni Asiya|Indikane Subkontinenteske]]. Kana e xoraxaya (musulmanurya) kerder maripen ande kodole riga (o 11-to [[shelbersh]]), but lendar trebulen te nashen. Akana cira jivisaren ando Rajasthan. E kolaver si andi [[Maharashtra]], [[Jharkhand]], [[Andra Pradesh]], [[Karnataka]] thai aver thema la [[Indiya]]ke. But shelbersha von achyararden te phirel le lenge guruvenca andar le nordutne thai mashkarutne riga le Subkontinenteske (sas phirutne jene). Von kerden love ingerindos marfurya ([[dyiv]], [[orezo]], [[bumbako]], thai aver) yekh thanestar aver thaneste opre le guruvenge dumende. De kana inklen e moderne transportoske mashkara von trebulas te beshen ande [[foro|forurya]] thai [[gav]]a.

 

E banjarenge phure janen thai mothoven puranimata de kana telyarden e Rajasthanestar. Von sas yekh rajputikano (xelavdo) grupo thai marden but bersha zurales e musulmanenca, but thema e forurya kothar sas peravde. Ando kodo vaxt, kana e musulmanurya kana e hindustanurya sas mai zurale. Von mai phenen so nishte manusha lendar gelen ando okchidento, ko [[Afganisthan]] thai [[Persiya]] pe Khiber, Bolan thai Mulla plainenge tangimata thai chi avilen palpale.

 

Kana janglen pe roma von den godi so kadala si e gele. Von kerden nishte rodimata (vi inklisti yekh rivista, ''Banjara roma''), den duma le romenca so arakhlen. Vi de kana aver manusha shunden kadava, navyaren len Gypsy, Banjara Gypsy vai Banjara Roma (e europenurya janen mai mishto le [[roma|romen]]). Von phenen so e dui sela miazon pen (vi e roma vi e banjara den but pativ lenge familiende, e juvlya xuryaven miazutne cale...).