Rodimata pal-e Rromenθe

E rodimata pal-e Rromenθe (vunivar Gypsylorismo vaj Ciganologìa) si jekh maśkardisciplinenqo etno-sikavimatanqo umal kaj mangel te prinʒarel sargodi e Rromane manuśenqe kultura, historia thaj politiki nakhimata. Si o siklŏvipen thaj diskursură kaj zumaven te phenen sar si o Rromanipe ili varesave aspektură anθar lesθe. I disćiplina dikhel vi p-e interakcie maśkar e avere manuśenθe thaj e Rromenθe, thaj rodel pala e gaʒenqe dikhimata vaj mindset karing e Rromenθe.

Avere anava te akharel o siklăripnasqo umal śaj aven Ziganology, Ciganology, Romology, Romalogy thaj Romistics.

Varesave importante rodale anθ-e rodimata pal-e Rromenθe si o Ronald Lee, o Alexandre G. Paspati, o Franz Miklosich, o Bernard Gilliat-Smith, o Marcel Courthiade, i Anne Sutherland, o Vania de Gila Jan Kochanowski, i Carole Silverman, o Colin Clark, o Patrick William, i Isabel Fonseca, o Lev Cherenkov thaj aver.

Publikàcie

Varesave maśkar e publikàcie kaj keren rodimata palal ël Rromenθe si:

• Critical Romani Studies (Central European University, Hungary)
• Romani Studies (Gypsy Lore Society, Maladine Statura ama anglunes anθ-i Anglia)
• Katalògo e Rromane rodimatanqo kaθar i Press kaθar i Universiteta anθar Hertfordshire.
• E lekha kaj si etiketisarde sar “Romani” k-i Universiteta Harvard.

Dikh vi

• Anava e Rromane manuśenqe