Reyhan

I Rosița Indjova Angelova (bulgarikanes: Росица Инджова Ангелова) vaj ferdi Reyhan (bulgarikanes: Рейхан, rromanes: Rejxan) sas jekh Bulgarikani gilavni anθar Xoraxane Rromane orìgine so gilavdǎs p-i Turkikani ćhib, butvar, khethanes le grupoça Orkestar Kristal.

Laqo tràjo

I Rejxan biǎndili p-o 23 jùli 1986 anθ-o Yanbolu. Voj astardǎs te kerel muzikaqi butǐ sar gilavni anθ-i Orkestar Kristal kana sas la ferdi 15 berśa. Voj areslǎs butprinʒardi pala laqo jekhto solo-albùmo „Rejxan thaj Ork. Kristal” anθ-o berś 2002. Sa kadǎ, i gilavnǎqi jekhto bari gili „Kajnana” (rromanes: „Sasuj”) sas anθ-o akava albùmo. Anθ-o anglutno kotor ël berśesqo 2003, voj sas luvudime e premioça „Balkanosqo Video ël Berśesqo” kaθar o televiziorosqo kanàlo „Planeta TV” vaś i gili „Dajanamam” (rromanes: „N-aśtik te aćhav p-e punre”). Palorral, laqo dujgilavnipen ël reʒizoroça Lyusi, i gili „Imam Nuźda Ot Teb” (rromanes: „Musaj te avav tuça”), sas but baxtagorutni. K-o agor ël sajekh berśesqo, aver baxtagorutno dujgilavnipen sas publikisardi: „Hubav si, sladuk si“ (rromanes: San śukar, san laćhi”) e Mariana Kalchevaça. Anθ-o màrco 2004 k-o maladipen vaś i revìsta Nov Folk, voj prezentisardǎs laqi dujto gili ël Lyusi-ça, „Obicham Te” (rromanes: „Mangav tut”).

Albumurya

BİZ İKİMİZ ESMERİZ
BİZ ŞEKERİZ
INAN SEVGILIM
KADERİM
ORİENT KUPON
ORKESTAR KRİSTAL REYHAN
TATLI KIZ