Mississippi

I Mississippi si jekh maśkar e statura and-o sùdo andar e Maladine Statura e Amerikăqe, kaj giravdăs sar o biśto stato p-o 10 decèmbra 1817. O statesqo anav avel katar o dorăvo Mississippi, kaj ʒal paśal i vèstutni grànica e statosqi. O anav Mississippi, kaj mangel te phenel “baro dorăvo” kamas-avilo anθar i Oʒibwe ćhib, jekh andar e chibă indigenosqe e Amerikaqe, vaj jekh paśutni ćhib sar i Algonquinaqi ćhib. Voj si vi prinʒardi sar o “Magnolia State” vaj o “Hospitality State”. Ʒi k-o 1860, i Mississippi sas o maj baro stato kerutno e bumbàkosqo and-o sa o them, tha’ robură sas 55% andar i populàcia e statosqi. Ʒi k-i Bari Migràcia andar e berśa 1930-a, Afro-Amerikaqe sas o maj baro populàciaqo kotor. And-o 2020, 37.6% andar i statosqi populàcia sas Afro-Amerikaqe, kaj si maj but de sar sogodi aver Amerikaqo stato.