Kim Kardashian

I Kim Kardashian si jekh soćialiteca thaj ćerxaj anθar e PhSA. Voj si butśundi anθ-e media sosqe voj sas p-o realitetipnasqe televizorosqi progràma „Keeping up with the Kardashians“ (kaj si jekh fràza kaj avel e Amerikaqe idiomosθar „Keeping up with the Joneses“, manglindoj te phenel ke si but vaźno/vastno te participisarel and-e sociale konkursură e lovença). Sar socialitèca, si but prinʒardi pal-e bută kaj kerel avere manuśnănça sar kam-vel te meretisarel pes e Kanye Westoça vaj te maladŏvel preśedintença thaj barvale manuśença. Laqe phenă avile vi len but prinʒărde manuśnă pala laθe.

Kadava lekh si bibarilo, akana si numa ekh kotor. Kana janes buteder, shai te lachhares les.

Pàqi familia thaj pàqo tràjo

I Kim Kardashian biǎndili p-o 21 oktòmbra 1980 anθ-o Los Angeles, Kalifornia, anθ-i familia e Robert Kardaśǒnosqi thaj i Kris-aqi (ternećhajaqo nav: Houghton). I Kim si la jekh phen maj bari, i Kourtney, thaj jekh phen maj terni, i Khloè, thaj jekh phral maj terno o Rob. Penqi dej si la orìgene nederlandosθar, anglǎθar, irlandosθar thaj ekòsǒsθar, tha' penqo dad si jekh amerikaqo anθar armenikane orìgene. Palal te xulǎven penθar pàqo dad thaj pàqi dej anθ-o berś 1991, pàqi dej meretisardǎs aver dàta anθ-o sajekh berś, ël Kàjtlin Jennereça, anavǎrdi p-atunća Bruce (I Jenner paruvdǎs pàqo anav te avel Kàjtlin palal te avel transgèno (vaj anθalingutni) anθ-o berś 2015) jekh ʒuvli kaj premisardǎs jekh sumnakuno medaliòno anθ-e Olmpiàda anθar o milaj ël berśesθar 1976. Anθa meretimos thaj ansurimos penqo, i Kim sas la enǎ neve phrala thaj phenǎ (vunivar akharde „bićhaćhe phrala” : Burton "Burt", Brandon thaj Brody; thaj jekh bićhaćhi phen, i Casey; thaj maj dur sas duj neve phenǎ kaθar aver kununimos : i Kendall thaj i Kylie Jenner.

Kana sas terni siklǒvlǎs ka-i Bari Śkola „Marymount”, jekh śkola romano-katolika vaś ćeja anθar o Los Angeles. Anθ-o 1994, penqo dad sas advòkato vaś o khelutno ël amerikaqe fòtbalosqo thaj aktòro, o O. J. Simpson anθ-jèkh bàjo kana phende ke mudardǎs pesqe ʒuvlă. O Simpson si kǐrvo ël Kim Kardashianqo. O dad ël Kimaqo mulo anθ-o berś 2003 anθar jekh nasvalimos.