Kheliben

O kheliben vaj khelimos si jekh àrtăqi fòrma kaj si la p-i bàza maj but sekvèncură te miśkisarel o trùpo vaj kòrpo ël śukaribnasqe thaj butvar simbolosqe valorurĕnça, kaj śaj aven improvisime vaj alosardine griźoça. O kheliben śaj avel kategorizime thaj analisardo pala lesqi koreogràfia, pala lesqe korposqe miśkimata kaj si kerdine anθ-o sajekh vaxt kë baśavel-pes i muzika, vaj pala lesqo hiśtorăqo kotor vaj lesqo originàlno than.

Jekh importantno kheliben, andar dikhibnasqpunkto Rromano si o Flamènko, vaj flamenco, kaj si jekh śukar făl te khelel anθar Śpania. Ël Rromane manuśa kaj beśle and-i Śpania sas akharde Kale. Pala gova śaj phenas kë o Flamènko si jekh Rromano kheliben. Butvar ame arakhas but jekhfalne khelibnasqe tradicŭră anθ-o Xindusthan.