Adriyan Minune

O Adriyan Minune (Rumunikanes: Adrian Minune, biǎndilo p-o 24 septèmbro 1974 anθ-i komùna Śtefäneśtii de Źos anθ-o źudèco Ilfov) si jekh Rromano gilavno anθar i Rumunia. Lesqo aver anav si Adriyan Simiyonesko (Adrian Simionescu). Vov gilabal anθ-o stìlo „manele” thaj vi „muzika läutaresqi”. Vov si anθar o Rromano nǎmo thaj astardǎs te gilabal kana sas inke ćhavorro, labǎrindoj artistikane anava sar Adrian Copilul Minune (rromanes: Adrian o Mïndro Ćhavo) vaj Adi de Vito.

Adriyan Minune anθ-o 2016

Filmografia

O Adrian Minune kheldǎs anθ-e duj filmurǎ, kaj vov kheldǎs sar pesqi ćaći personalitèta (na jekh personàźo): Gadjo dilo (1997) thaj Furia (2002).

Politikani aktivitèta

O Adrian Minune sas somdasno anθ-o thanutno konsìlo anθ-e pesqi komùna i Śtefëneśtii de Źos ama mukhlǎs kadi butǐ p-o 20-to aprìlo 2011.

Anθ-i populàro kultura

But ʒene vakǎren anθa lesθe anθ-e media (źurnalurǎ, radio, televizòro), anθ-i vakǎrdi kultura (pirrasa) thaj vi anθ-e filmurǎ. Sar egzèmplo, o reʒizòro o Kätälin Mitulesko kerdǎs jekh skurto dokumentàlo filmo kana sas siklǒvno kaj bućhol „Adrian Copilul Minune” (1999), anθ-o savo o Adrian Minune mothovel paramića anθa pesθe.